Назму

Назму; тилни кюбюрчеги, аны иги асыра жюрегингде,

Айтылган унутулуп кетер, жазылган калыр есингде.

Назмучуга сый беригиз, ишлесин ана тилни,

Керек болур кюню келсе, анам дерге жаш тёлюнге 

Назму тилни сыртында ташыр, жерге тюшсе, тил жюрюмез.

Тилине сак болмаган миллетни качан да бети кюлмез.

Бир халкны бир бирине байлаган бирлигиди, ТИЛ

Тилни ёлтюрмеген бир халкны, журтунда тирлиги ёлмез.

Назму, кёкде учхан кушчады, канатларын какмага кой,

Чабып а жеталмазса ызындан, аны сен бармага кой,

Аны юйю сау дунияды, бир журтха жыйылмаз,

Кесинге тыйма аны, башха кыралда да жашамага кой.

Назму харф бла жазылмаз жюрекди тили, байламайын,

Ёпгелетмей артындан бар, сабыр болуп ашыкмайын,

Сангырау тюйюлдю, кычырма айландырып анча сайын,

Харфлерин еслеп кура аны, кюле тура, жылатмайын.

Назму тилни ёзегиди, айтырын созмай айтыр кысхадан,

Еслеп окумасанг, ак жазып кёзюнгю бояр карадан,

Кюндюз жолун ажашыр назму, кечеде кёлюн,

Солдан айтылган сёзле, сызгырып озар онг жанынгдан.

Назму харф урушу тюйюлдю, кой жан жанга сюелсинле

Урлукда ёсмейди топракда бирча бой аны еслесинле

Назму сеникиди, кой халк ёсдюрюр ол иги есе

Сени кемсиз англар ючюн алга назмуну юренсинле.

Назму сёзню санамаз, кюн жарыкча сёзню сайлар

Жырды ол сананган, кач солуву анча тюекле ойнар

Мен муну санап жаздым, санамагыз юлгюге

Иги назму, терс жазылса да, сёзюн тюзлюкге байлар.

Леман Ж. Коч